जळगांव- आषाढी एकादशी म्हटली की सर्वांना ओढ लागते ती पंढरपूरच्या विठू रायाच्या भेटीची. आणि म्हणूनच दरवर्षी लाखो वारकरी दिंड्या, पताका, पालखी घेऊन टाळ मृदूंगाचा ताल व मुखी गोड अभंग गात पायी पंढरपूरची वारी करत असतात. प्रत्येकालाच आपलासा वाटणारा देव म्हणजे पांडूरंग आणि याच पांडूरंगाची छोटी सेवा करता यावी या उद्देशाने खांदेशातील कवी, लेखक, गितकार:- बाळासाहेब शिंपी, जळगांव यांच्या लेखनीतून अवतरलेलं ” वारी ” हे भक्तीगीत खास आषाढी एकादशी निमित्त विठ्ठल भक्तांसाठी काल दि. 28 जून 2025 रोजी ‘गजाकुश भक्तिसार’ यूट्यूब चॅनलवर प्रदर्शित करण्यात आले आहे.
वारकरी संप्रदायातील भक्तिभाव, विठ्ठलनामाची शक्ती आणि पारंपरिक सांस्कृतिकतेचं दर्शन घडवणारं “वारी” हे नविन भक्तिगीत प्रेक्षकांच्या भेटीला आलं आहे. या गाण्याचं विशेष वैशिष्ट्य म्हणजे स्थानिक कलाकारांचा सहभाग आणि भावनिक कथा मांडणी. अस हे भक्तीने ओतपोत सुश्रवणीय अस गीत खांदेशातील सुप्रसिध्द गायक अण्णा सुरवाडे ( फुगे घ्या फुगे फेम ) यांच्या भक्तीमय स्वरात त्यांनी गायल असून या गाण्याला संगीतकार विलास वाघ व सिध्दार्थ देवरे यांचे सुमधूर संगीत लाभले आहे. गीतकार बाळासाहेब शिंपी यांचे शब्द ऐकणा-याला भक्तीत तल्लीन करुन टाकतात. त्यालाच साजेशी भावनिक कथेच व्हिडीओ दिग्दर्शन दिग्दर्शक प्रेम बडगुजर यांनी तर छायाचित्रण (DOP): रितीक महाले यांनी केले आहे. कृणाल गजाकुश गाण्याचे मिक्स/ मास्टर असून रेकॉर्डिंग गजाकुश म्युझिक प्रोडक्शन, जळगाव यांनी केले आहे.
तसेच या गाण्यात कलाकार म्हणून निवृत्ती इंगळे (छगन मामा), यामिनी मेटकर, अपूर्वा गजाकुश, दिपक गजाकुश, भास्कर जूनागडे, प्रकाश बाविस्कर, संजय ठाकुर, प्रमोद चौधरी, संजय कासार, दिपक ठाकुर, तोषित गजाकुश, वेद गजाकुश, मालती जूनागडे, सकुबाई गजाकुश, इशिका गजाकुश यांनी अभिनय केला आहे.
या गाण्यातून वारकरी परंपरेची खरी अनुभूती प्रेक्षकांपर्यंत पोहोचवण्याचा आणि नव्या पिढीला यामागचं अध्यात्म समजावण्याचा उद्देश आहे. “वारी” हे गाणं सर्व रसिक प्रेक्षकांना पाहण्याचं, ऐकण्याच आणि विठ्ठल भक्तीची अनुभूती घेण्याचं आवाहन! करण्यात आले असून या गाण्याला दिपक गजाकुश यांच सहकार्य लाभल आहे.
