जळगाव, दि.३ – रुशील मल्टीपर्पज फाउंडेशन जळगाव संचलित उडान दिव्यांग प्रशिक्षण केंद्राच्या अध्यक्षा व महाराष्ट्र राज्य दिव्यांग सल्लागार समिती सदस्या हर्षाली चौधरी यांनी जळगाव विमानतळावरील कर्मचाऱ्यांना दिव्यांगांना देण्यात येणाऱ्या सोयी सुविधांविषयी मार्गदर्शन केले.
दिव्यांगांना देण्यात येणाऱ्या सोयसुविधा अधिक चांगल्या आणि सहज कशा देता येतील याविषयी हर्षाली चौधरी यांनी उपयुक्त असे मार्गदर्शन केले. विमानतळाचे संचालक हर्ष त्रिपाठी यांच्यासह विमानतळावरील इतर कर्मचारी यांनी या प्रशिक्षणला उपस्थिती देत उत्स्फूर्त प्रतिसाद दिला. तसेच त्यांनी योग्य मार्गदर्शन दिल्याबद्दल हर्षाली चौधरी यांचे आभार मानले.
