जळगाव – श्री संत ज्ञानेश्वर प्राथमिक व माध्यमिक विद्यालयात विद्यार्थ्यांचे व पालकांचे मत जाणून घेण्यासाठी “सूचना पेटी” हा अभिनव उपक्रम सुरू करण्यात आला आहे. या उपक्रमाच्या माध्यमातून शाळेच्या प्रगतीसाठी उपयुक्त सूचना, तक्रारी व विविध कल्पना संकलित केल्या जाणार आहेत.
विद्यार्थ्यांना कोणतीही भीती न बाळगता आपले विचार मांडता यावेत तसेच पालकांनाही शाळेच्या कार्यपद्धतीबाबत आपले मत व्यक्त करण्याची संधी मिळावी, हा या उपक्रमाचा मुख्य उद्देश आहे. सूचना पेटीत प्राप्त झालेल्या योग्य सूचनांचा गांभीर्याने विचार करून त्यांची अंमलबजावणी करण्यात येणार असल्याचे शाळा प्रशासनाने सांगितले.
या उपक्रमामुळे शाळा, विद्यार्थी व पालक यांच्यातील संवाद अधिक प्रभावी होऊन शैक्षणिक गुणवत्ता वाढीस लागेल, असा विश्वास मुख्याध्यापक मुकेश नाईक यांनी व्यक्त केला.
