जळगाव – श्री संत ज्ञानेश्वर प्राथमिक व माध्यमिक विद्यालयात इयत्ता पाचवी व दहावीच्या विद्यार्थ्यांसाठी लसीकरण उपक्रम राबविण्यात आला. या उपक्रमात आरती वंजारी (आरोग्य सेविका), गायत्री पाटील (आरोग्य सेविका) आणि कविता सोनवणे (आशा वर्कर) यांनी उपस्थित राहून विद्यार्थ्यांचे लसीकरण केले व आरोग्यविषयक मार्गदर्शन केले.
उपक्रमाची यशस्वी अंमलबजावणी करण्यात शाळेच्या शिक्षकवर्गाने मोलाचे सहकार्य केले. या महत्त्वपूर्ण आरोग्य उपक्रमासाठी मुख्याध्यापक मुकेश नाईक यांनी आरोग्य विभागाच्या सर्व अधिकारी-कर्मचाऱ्यांचे मनःपूर्वक आभार मानले. इयत्ता पाचवी व दहावीच्या विद्यार्थ्यांसाठी हे लसीकरण उपक्रम फायदेशीर ठरले.
