जळगाव – दाऊदी बोहरा समाजाच्या एका शिष्टमंडळाने दिल्ली येथे पंतप्रधान नरेंद्र मोदी यांची भेट घेऊन भारतात वक्फ कायदा मध्ये सुधारणा करून तो मंजूर केल्याबाबत त्यांचे आभार व्यक्त करण्यास आले असल्याचे वृत्त वर्तमानपत्रात प्रसिद्ध झाले. सदरचे वृत्त वाचून मुस्लिम समुदायाने त्या वृत्ता बद्दल नाराजी व्यक्त केली. ऑल इंडिया पर्सनल लॉ बोर्ड च्या मार्गदर्शना प्रमाणे कार्यरत वक्फ बचाव समिती जळगाव तर्फे दाऊदी बोहरा समाजाचे सय्यद मुफ्फादल सैफुद्दीन बद्री महाल, फोर्ट ,मुंबई यांना जळगाव जिल्हा बोहरी समाजा चे सचिव हातीम इंजिनिअर यांच्या मार्फत निवेदन देण्यात आले असून सदर निवेदनात मुस्लिम समाजाने व्यक्त केलेली खंत तसेच वक्फ म्हणजे काय ? याचा अर्थ विशद केलेला आहे. बोहरा समाजाने ज्याप्रकारे वक्फ चा गैर अर्थ काढून तो समाजापुढे आणला त्याबाबत त्याचा निषेध करण्यात आला. तसेच वक्फ कायदा हा कसा असंविधानिक असून , वक्फ बाय यूजर व लिमिटेशन ऍक्ट च्या विरोधात असल्याने त्याचा मोठ्या प्रमाणात लोकसभा, राज्यसभा मध्ये खासदारांनी विरोध नोंदविला तर जेपीसी मध्ये सुद्धा त्याला विरोध दर्शवण्यात आला एवढेच नव्हे तर भारतभरातून सुमारे एक करोड लोकांनी त्याला लेखी स्वरूपात विरोध दर्शविला असला तरी कायद्याचे समर्थन बोहरा समाजाने केल्यामुळे मुस्लिम समाजाच्या भावना दुखावल्या गेल्याचे निवेदनात म्हटले आहे. सदर कायदा असंविधानिक असल्याने सुप्रीम कोर्टाने दखल घेऊन तात्पुरते स्थगिती दिली असल्याचे दाऊदी बोहरा समाजाच्या निदर्शनास आणून दिलेले आहे
*हातिम इंजिनियर चे आश्वासन*
जळगाव जिल्हा बोहरा समाजाचे सचिव हातिम इंजिनियर यांना वक्फ बचाव समितीच्या शिष्टमंडळाने त्यांच्या कार्यालयात जाऊन त्यांची भेट घेऊन आपला तीव्र भावना विशद करून सदर भावना या संपूर्ण मुस्लिम समाजाच्या नव्हे तर इतर समाजाच्या सुद्धा असल्याने त्याची कल्पना आपण आपले धर्मगुरू सय्यदना यांना द्यावी अशी विनंती केली असता हातिम इंजिनियर यांनी शिष्टमंडळाच्या भावनांची कदर करून हे निवेदन त्वरित सय्यदना यांना पाठवण्यात येईल व आपल्या तीव्र भावनांची दखल घेण्यात येईल असे आश्वासन दिले.
शिष्टमंडळात यांचा होता समावेश
मुफ्ती खालीद, मुफ्ती रमीज, मौलाना कासिम नदवी, हाफिज रहीम पटेल, सय्यद चांद, फारुक शेख, मजहर पठाण, कासिम उमर ,अब्दुल रऊफ टेलर, मुजाहिद खान व अखिल शेख आदींची उपस्थिती होती. फोटो कॅप्शन दाऊदी बोहरा समाजाचे सेक्रेटरी हातिम इंजिनियर यांना वक्फ बचाव समितीतर्फे निवेदन देताना मुफ्ती खालीद, मुफ्ती रमीज, हाफिज रहीम पटेल, मौलाना कासिम नदवी, फारुख शेख, मजहर पठाण आदी दिसत आहे.
